＄2 鬥＄3，四個市場推廣失敗通病你要知。

有外國學者統計，每年大約有40%餐廳倒閉或者轉讓，但每年都會有好多創業者投身飲食業，自資開餐廳做老闆。 近月很多人都留意到銅鑼灣的台式飲品店多過7-11或藥房。
要做得好， 多人認識品牌最重要！ 如果你都準備投身呢個行業的話，以下市場推廣嘅失敗通病就不能不知，並要記得避開！

1、大筆開業宣傳費

好多新老闆希望盡量令附近屋苑或公司知道有新餐廳開業。以不同形式宣傳，小巴車身廣告，郵政通函，請人派傳單，開設網站，網上宣傳等等。這些宣傳方法一半投資花費只是一萬幾千，看似成本有限。以郵政通函為例，但好多人收到都直接放垃圾箱，更難以選擇目標客群成效極低。當中還有設計費及印刷費等。往往一開業便大失預算，種下失敗既開始。
2、抄抄抄

喺香港，只要有一間餐廳／食肆做得好，過兩、三個月市面就會出現好多分身。好似韓式燒肉、蛋三文字，冰室，雞蛋仔等就係好好嘅例子。明顯地呢啲餐廳開業時根本就冇考慮過marketing嘅問題，如公司嘅定位、產品特色、地區性競爭、目標客戶取向等，完全冇計劃過，一心只係想借他人名氣，順住潮流「走一轉」。其實「抄」真係冇乜問題，只要抄得其所，集各家大成，再加返自己嘅特色，係絕對可以嘅。但如果你係全無特色的話，咁樣競爭力往往不及其他對手，結果只有頭一年有錢賺，然後損手離場。

3、只懂減價

新張開業大優惠吸引第一班粉絲試食係好多老闆嘅習慣。當遇到生意唔好或出現競爭對手嘅時候，老細唔理三七二十一，第一件事必定係做減價優惠救市。打紅海策略對所有老細嚟講無疑係最簡單直接嘅方法，但未必係最好嘅方法。而今次豆腐花事件為例，有報道話兩蚊一碗豆腐花，每日要賣200,000碗。

經營一間餐廳，平均嚟計，當中40-65%錢錢用咗喺食材同舖租成本、25%係人工、10%係雜費，之後平均利潤為5-35%。即係每一次打減價戰做八折、九折優惠，你嘅利潤就即刻降至0-15%，一下唔好彩嗰個月食材成本上升，就即刻變咗白做，所以速銷並唔可以長線策略。生意唔好嘅時候，老細唔懂得分析根源問題，永遠覺得冇人幫襯係因為受近期市況影響，速銷一兩個月就會冇事，最終速銷賺少咗嘅同時，亦冇解決到問題，繼續蝕錢。

4、團購計錯數

仲有啲餐廳以為用團購平台可以增加人流又可以upsell 其他食物，可以改善生意額。有點冇經驗嘅老闆，條款上列得不夠清晰，高峰時充斥着呢種做一個蝕一個嘅客，更因為訂位問題，食物質素等喺網上平台不停收到負評。更因為價格超低，令客戶定位餐廳喺低價，日後要推返高就好難。

　　餐飲業係一個競爭大、風險高、回報可以很高的行業。做好資料蒐集，預算，產品定位當然會事半功倍！